سريعا انقضى فبراير .. بكل مافيه من فرح..حزن..ورتابة ايضا
في الغد يطل على عيني شهر جديد
وفصل دراسي جديد .. وطموح يلوح من بعيد
..
تمر ساعات الليل بطيئة....متوترة
أكثر الأوقات قلقا .. هي الساعات التي تنتظر فيها بداية مختلفة
!!
سيكون كورس التخرج بإذن الله
بداية تجتمع بالنهاية
ونهاية تعلن عن بداية اخرى
..
مشاعر كثيرة تتضارب في صدري
فرح .. اشتياق .. همة ونشاط
وربما خوف من مجهول لا اعلمه
!!
..
أحاول أن أغمض عيني .. أن أكسر ذلك الأرق المزعج
ويأبى الا أن يصاحبني مع كل انتظار
لماذا يرافقنا أرق البدايات منذ ايام طفولتنا ومراحل دراستنا الاولى
حتى آخر أيامها؟
..
ربما لهفتنا لذلك المخبوء تجافي لذة النوم عن اعيننا
ورغم ذلك .. استيقظ بكامل نشاطي ذلك اليوم ..
أحب البدايات .. رغم غموضها .. رعبها
ورغم نقصانها احيانا
.
.
صديقتي اللي بآخر الدنيا
:*
سأفتقدك كل صباح ابيض..في شارع مزدحم
في كل قهوة فرنسية عشقنا ارتشافها
في كل غيمة اغرتنا يوما للهروب
في كل الوجوه الضاحكة حولي
في كل يد تمتد لتصافحني...اشتاق فيها دفئك
في كل كلمة ترعبني..ولا تطفؤها سوى حروفك
في كل دفتر امتلأ يوما بأحاديثنا التي لا تنتهي
في كل ساعة امتحان..بعثرت فيها قلقي بدعواتك
في كل محاضرة مملة..ابحث فيها عن قلب يستقبل تذمري ولا أجد
في كل زاوية في ذاك الممر الطويل..ملأناها جنونا..ضحكا..وبكاء
ومع كل هاتف يوقظني..ولا يحمل صوتك
!!
..
تصبحون على خيـــر وفرح
:)
38 comments:
هالشعور كنت أحس فيه الكورس اللي طاف
:)
بس بتكون نهاية وبداية حلوه
تصبحين على خير و حب ومنبة مزعج
:*
وانتي من أهلـه :*
أقعدج الساعه 5 الفيـر ؟؟
خو صارلكم دهر مستانسين بالعطله:P
حياتي هدف
ان شاءالله
:)
وانتي من اهل الخير والحب
ومنبه غير مزعج
:p
.
.
كويت
ااذا بتقعديني حق الفير اي
بس حق الدوام
دوامي الساعه 10
:))
من عيونكم خلصت بسرعه
:pP
ماحبج ..
بوستج يبجي ="(
ليه تسوين فيني كذا
كلامك عن صديقتك عور قلبي
وينها عنك ؟؟ ليه مو معك !!
في البداية كنتي شحلاتك يوم جا آخرها كذا
//
ربي يوفقك وتتخرجين وتسوين لنا حفلة <<< أهم شي الحفلة
يسعدك ربي
وانتي من اهله حبيبتي :)
وموفقه ببداية الدوام وآخره
==
انا تخيلي مخليه دوامي هالكورس اثنين واربعا بس :) بس ضغغط
بس هم مطوله عطلتي ومريحه عمري ;)
كل فبراير و أنتوا بخير
: )
و موفقة في كورسج الاخير
و ان شاء الله أيامج
كلها نجاحات يارب
!!
قيادية
:**
آسفة آسفة
يمكن لأنج الوحيدة اللي حاسة بشعوري
:**
.
.
بنت احمد
حبيبتي انتي
ماعاش اللي يعور قلبج
:(
صديقتي تخرجت وراحت امريكا
ربي يردها بالسلامة
:*
اجمعين بعد قلبي
كل التوفيق لك اخيتي نجمة
و ان شا الله نبارك لج بالتخرج
:)
صباحج ورد بعسل يا احلى نجومنا
سهالات انشاالله
لا تحاتين بتبدعين فيه انشاالله
تدرين
انا اشبه الكورس الاخير بالشهر التاسع للحامل ههههههههه
تكونين شايله الدنيا على ظهرج
بس يخلص الكورس تحسين بخفة مو طبيعيه وتاخذين تعب الايام كلها بشهاده
قدها وقدود نجمتنا
:")
سيليزية
اجمعين حبيبتي
:*
تصدقين كنت ناوية اسويها جذي
لأن بس 3 مواد
بس ماضبطت
الله يسهل كل امورج ويوفقج يارب
:))
.
.
دبي
وانتي بخير وسعادة حبيبتي
واجمعين يارب
لا خلا ولا عدم
:*
عثماني
ويااك يارب
الله يسمع منك
ماتقصر والله ياخوي
:)
.
.
زووز
صبااااح النور والفرح كله
لوووووووووووول
تشبيهج خطير جدا ويخرع شوي
:P
الله يسمع منج يازوزااا
:**
بدايه ونهايه موفقه بإذن الله ..
والله يرد صديقتج بالسلامه ,,
:)
مبروك التخرج مقدما
وصدقيني راح تشتاقين لها وايد
موفقة
:)
هند
آمييين
الله يسلمج من كل شر بعد قلبي
:**
.
.
سويت ريفنج
الله يبارك فيج مقدما
:))
واجمعين حبيبتي
الله يسهل عليج هذا الكورس
و تتخرجين على خير
اختي نجمة :)
موفقة :*
وانتي من اهله
بالتوفيق!
:\
:\
:\
:'(
هذا انا امس كل
ولما صار الصبح نمت
:P
واسحب عالدوام
الف مبروك مقدما
الله يوفقج ويسهل امرج وينور دربج قولي امين
ياالله ما أسرع الحياة.. وكأنها أمس هذه المشاعر
وقد مضى عليها خمس سنين
ولو طلبتي أن أصفها فلن أجود على ما ذكرتي، فرحٌ بقرب التخرج يخالطه نوح حزنٍ على الفراق، ووقوف على أعتاب مستقبل مبهم. وقد مضى عليه الآن ما مضى، فما زادني إلا توقا للشهادة
وفقك الله في تخرجك
وجمعك سبحانه بمحبوبتك
الله يوفقج صديقتي الغالية
وآنا بعد وياج كورس تخرج ان شالله
^_^
هذي هي الدنيا لقاء وفراق
عسى الله يجمعنا في جنه باقية
:)
عااااااشت عاااشت المجتهده
:>
تبين اقعدج
سألني عني خبره في التقعيد والحنه
;p
الله يوفقج
ويفتح عليج من اوسع ابوابه
:*
حلو التفاؤل
ان شاءالله بدايه كورس سعيده ونهايه مفرحه يا احلى نجمه
:**
W.B 2 jaM3at L.Q8 ;D
Ya 5aSsSsaRaT L.jaM3a 3La FraGeCh ;p
3aSa Rabi YarzqeCh B.KeL 5a6wa TawFeeg w 9aLa7 w FaLa7 BL.DarieN Yarb =D
'dkriyaaaaaat ;D
3ishi La7'6at L.a5ira Bin arweqat L.KuLiya B.ThwaNiyHa L2na Ba3ad ayam ra7 t9eer 'dkriyaaat ;(
MwaFja , MwaFja , MwaFja :**
* eStaNst B.ZiarteCh L.L6aiyFa 7ag MwDawNti ;D
الله يوفقج ويسهل عليج ان شاء الله
ونشوف بعيونج فرحة التخرج اللي ما كبرها فرحة
والله يرد رفيجتج بالسلامة
شدوا الحيل
وناموا مبجر .. وذاكروا عدل
الله يوفقج و يسهل عليج آخر كورس
:)
مبروكك ان شاء الله التخرج ونهاية الدراسة ووراها بداية عصر الدوااام والغلقة
وووعع الوظيييفة لوووعة جبد
داوم لا تداوم
طق الكرت والا ابصم
مسؤل نحيسس
او زملاء داثرين خمة وهيلق
بنات يلوعون الجبد بنجرتهم وهواشههم
جم رصيد الاجازة
متي المعاش
ابي انتقل ابي اقعد
وااايد اشيااااء غيييير
الله يوفقج دنيا واخرة
ماادري ليش بهالبوست حسيت اني شايب
بس موعايب
انا هالشعور حسيته من 12 سنه
وانتو توكم تحسونه
حرام عليج
حسيت اني كبير وايد
الله يسعدك وان شاء الله تتخرجين بتفوق
والذكريات الحلوه دايما لها نكهه خاصه
وانتي من اهل الخير
الله يوفقج وييسر لج اموووورج ويفتح عليج وكل شي حلو يعطيج وبعد شقولج :))))
شعور جميل
ومبروووك التخرج
ياحلو البنات والله كبرو ;)
منطلقة بطموحي
آمين يارب العالمين
ويوفقج بكل امورج يالغاليه
:)
.
.
صلاح
اجمعين ياصلاح
يزاك الله خير :)
.
.
قصة خيال
انتي مبدعة
نامي مبجر يابنية
:))
سنعة
الله يبارك فيج بعد قلبي
:))
ويوفقج بكل امورج يالغاليه
:**
.
.
باغي الشهادة
الدنيا تركض يااخوي
:)
عسى ربي ينولك كل ماتتمنى
ويسمع منك يارب
يزاك الله خير ماقصرت
:)
.
.
جنون احساس
اجمعين بعد قلبي
شدي حيلج
:)
آمييييين يارب
:*
شلالات
لووووووووووووول
لوووووووووووووووول
لا شكرا ماحب احد يحن على راسي
الصبح بس انا احن
:Pp
ويااااااج يارب
:**
.
.
كريزما
آمين يالغاليه
ويملي كل ايامج تفاؤل وفرح يارب
:**
.
.
بوح الصمت
:$
شكرا شكرا ^_^
اجمعيييييين يالغالية
شعور غريب
لما اتذكر ان آخر كورس
قلبي يعورني
:)
الحمدلله
والله يسمع منج يارب
وعساج دوم مستانسة يالغاليه
:**
كبرياء وردة
حبيبة قلبي انتي
:**
آمين يارب
لا خلا ولا عدم يالغاليه
.
.
الحارث بن همام
ان شاءالله
وانتم ايضا
:))
.
.
ملاك
ويوفقج دايما بعد قلبي
:*
كظماوي
ابييييييه
تحبيط على الآخر
:)
ويوفقك دايما يارب
.
.
براك
لووووووووووول
توك بعز الشباب يابراك
ربي يحفظك وتشوف عيالك
باجر متخرجين من الجامعة
قول آمين
:))
.
.
ريلاكس
اجمعين بعد قلبي
:*
والله يبارك فيييييج
لا تقولين لي كبرتي
بروحي متأزمة :P
انتي تدرين هالبوست شسوا فيني ؟
شي ما تتخيلينه
كافي اني احس ما اقدر اقراه مره ثانيه
:""(
اقووول نجووووم انتي تتأزمين آنا شقول ;p
نجمتي..
أحب هذا البوست كثيرًا..
أشعر معه بلذة الدوام وصخبه وشقاوته ويومياته المتعبة..
وكلما كتبتي كلمة دوام أو شوق إلى الطفولة أتذكر عرضكم في الطابور الصباحي في المدرسة عن المرحلة المتوسطة ثم التخرج أتذكرين؟
أحسه يمثل دوران حياتنا ومرور قطار أيامنا السريعة :"
أتم الله تخرجكِ بخير سأفتقد كلماتكِ عن أيام الجامعة كثيرًا ;'*
Post a Comment