بكل الأماكن أتخيلك
بكل الدقايق..تسرح بشعري جدايل غيبتك
..
بكل تصاريف العمر
بكل سواليف البشر
تحاكي صفحة عيوني .. وتناظر صورتك
..
بكل حكايات الثواني
بالورود المعلقة بصدر الأماني
بشوق الأغاني .. لا سمعت بصداها همستك
..
بكل الزوايا والصور
بالثياب المبخرة .. بلون العطر
بالشبابيك المسفرة
بالبراويز المعلقة على جدار الوله
بلوحة رسمناها سوى...ومرايا تعكس بسمتك
..
بالدفاتر المزينة بعشق السطور
بكل الحكاوي والقصص
بالخطوط المغرية .. بنبض الشعور
بالحروف التايهة على درب الحكي
وبالقصيد اللي دلني طريقه..من فتنتك
..
بالدروب المسبلة بين جنة ونار
بالهبوب المقبلة..بطيف النهار
بالصحاري والبحر
بزهر أبيض..يصحى على صوت المطر
بالغصون المبللة
وبلون العشب لا صار أخضر .. وارتوى من هدايا غيمتك
..
بليلٍ على القمرة يطوف
بشمعة تلاعبها الكفوف
بذكرى السنين
وبدمعة على خدي..مبللة بطعم الحنين
بصورة ساكنة بين الرفوف
وبليالي معتمة .. ماضوت فيها نجمتك
..
أتخيلك .. وأسأل عيوني وأسألك
بنلتقي..؟ أو تلتقي عيني بسماك؟
بتشعل على كفي النجوم
بتحضن على ذراعك لهفتي ..ونركض على سطح الغيوم
بتلتقي عيني بسماك
ويذوب دمعي..في سحايب نظرتك؟
..
بنلتقي؟ وأًصرخ على كل الجروح
خذني على كفوفك وروح
كلي انا..جمرة على غصن التعب
دمعة يكسرها الهدب
قلبٍ على اطراف الوداع
مايطيب خاطره..الا كلامك..ضحكتك
..
خذني على صدر الدفا
خذني مع ابيات الكتاب
خذني من احضان الجفا
وصفحة مليانة عتب..غربة..وغياب
خذني من سموم النوى..والتغلي..والعتاب
الجروح اللي تزيد بخاطري
مالها غيرك دوا
والوله فيك استوى..زهرته وشوك العذاب
خذني على سطور الهوى
والهوى فيك فتنة..والشعر دلني طريقه من فتنتك
12 comments:
تدرين
من حروفج سهيت
حسيت
اني
اغار
ابي
اكتب
حروف
انت
غير
احساسج
خذاني للبعيد
:*
ما شبعت منج
منو ينسى
البعيدة
كعادته قلمك
لايكتب إلا كل جميل
سلمت يداك ولا فض فاك
واي نجمه ماعندي عباره احطها تقدر تعبر لج عن اللي بقوله --> حايشتها حالة تتنح هاليومين ;p
تخيلي اني شابكه من موبايلي وانا فيني النوم وقلبي يسولف يسولف يسولف وعقلي يقول جان زين نجمه كاتبه شي بالكويتي السهل الحلو اللي يونس القلب والعقل
سبحان الله جني ادري... وجنج تدرين قلبي عن شنو يسولف لي
سوري والله مادريت عن تخرجج بس والله شفت شهادتج وفرحتلج اتذكر لذة الفرحه الله يتمم عليج و يباركلج و منها للاحسن دوم يارب :*
"الهوى فتنة"
أصـرح تعريـف لـه .,
و ماذا عن الحب .؟
ألا يقال أن الهوى أسمى مراتب الحل .؟
هه فماذا يكون الحب حينها ان كان الهوى فتنة فالحب لربما طامة !
سحر ما كان هنى ,
كلام ينساب كـ موسيقى كلاسيكيه مدهشه ,
مبهرة حد الاندهاش نجمه ,
دمتي بخير ,
دمتي مبدعة
يا نجمة
:)
قوه نجمتنه اشلونج شخبارج .. ولهانه عليج وعلى كتاباتج الحلوه :)
يعطيج العافيه على الكلام الحلو ياحلو :)
والسموحه على القطاعه :)
شكرا لكم كلكم
ولي عودة بإذن الله لتعليقاتكم
:)
هند
:**
.
.
منو ينسى
:***
حبيبة قلبي انتي
ولهانة عليج ويد
وعلى حروفج
يالله كتبي كتبي
احساسج فاقدينه
:*****
.
.
بنت احمد
وجودك الاجمل دائما صديقتي
من اعماق قلبي شكرا
:**
ريلاكس
بعد قلبي انتي
يكفيني وجودج صديقتي الطيبة
:**
.
.
ضااااد
حبيييبتي انتي
فديتج انتي وقلبج
:***
الله يبارك فيج يالغالية
من طيبج والله
الله لا يحرمني منج ويسعدج بكل خطوة
صج صج ونستيني واااايد
:*
.
.
أثر
الحب
لا اجد تعريفا له
ربما لأن الحب طاقة تجمع كل المشاعر
وقوة لا مثيل لها على وجه الارض
:)
اسعدني مرورك
نورتيني
:*
cesc
كلماتك شرف لي
ومرورك كان فرحة يومي
شكرا من القلب
:)
.
.
عثماني
نورتنا ياعثماني
والابداع عندكم
كل الشكر لك :)
.
.
فاتووو
اهليييييييين
شلوووووونج
ولهانة عليج وايد
طمنيني عنج شخبارج
:***
الله يعافيج ويخليج بعد قلبي
لا خلا ولا عدم
Post a Comment