ابد ماطرى عالبال .. تروح وتتعب الأحوال
وتذبل ضحكة الخاطر
وتكسر دمعة مجبورة
..
وأنادي..ياوله تدري
تغلغل حبه بصدري
تغرّبت انا بعده
وصرت بجرحي مكسورة
..
تفرّد ليله بهمّي
حصد حلمه..وقتل حلمي
وانا من كثر ما طعته
تداول عني.."مسحورة
..
تركني في وسط غابات
غطاي الشوك والآهات
ذياب الهم تنهشني
وصوتي صرخة مذعورة
..
طعمني غدره في جوعي
سقاني حرقة دموعي
تركني في ظلام الوقت
اغالب موجه وبحوره
..
خلاص احلامي ووعودي
حفرت قبورها بيدي
ابد لا تامن الازمان
..
يخون الحرف بسطوره
26 comments:
السلام عليكم اختي
روعة الكلمه من صدق المشاعر
تسلم يمينج وعساج على القوه :)
ما يصير كل حزن !
:)
مرور أول ولي رجعة قريبة
على ما أصحى من نشوة كلامك
المعجزة
ومو بس
بابل
تفرّد ليله بهمّي
حصد حلمه..وقتل حلمي
وانا من كثر ما طعته
تداول عني.."مسحورة
مشاعر واحاسيس خيالية
تشكراتي
فعلا ترى بيصيرش
اهي مسحوره و بسسسس !!
بلاوي
كلمات تعور القلب
:(
لا يزال في الناس بقية من خير
كلمات مؤثرة
مبدعه كلعاده :)
مهما طال التعلييق ما يوفييها حقها :)
وأنادي..ياوله تدري
تغلغل حبه بصدري
تغرّبت انا بعده
وصرت بجرحي مكسورة
يا سلاااام عليج يا نجمتنا
روعه الكلمات
احاسيس جميله
ما شاء اله عليج
فارس هوى الكويت
وعليكم السلام والرحمة
الاروع تواجدكم :)
الله يسلمك ويقويك
شكرااا
.
.
بلوق عمتي
مممممم مو كله حزن
:))
.
.
بابل
ياهلا والله
افتقدنا كلماتك
وبانتظار رجعتك :)
كويتاوي
شكرااا شكرااا
من ذوقكم الطيب
:))
.
.
ولد الديرة
مممممم
مافهمت
بس شكرا :))
.
.
شذر
معاي اون لاين
الله يعينها
:(
حياتي هدف مو عبث
اسم الله عليج من عوار القلب
:*
.
.
محسد
صدقت :)
شكراا جزيلا
.
.
u-turn
تدرين والله انج امس على بالي
شهالغيييييبه فقدناج والله
نورتيني والله
:*
.
.
مملوحة
حبيبتي انتي
وجودج الاروع والله
لا خلا ولا عدم :*
روعة نجمة
صج صج الكلام روعة
متناغم بطريقة جميلة جداً
أحييج من الأعماق على هالتميز والتألق
أتمنالج كل التوفيق
"""
حصد حلمه..وقتل حلمي
"""
:
أوااااااااااااااااااه يا نجمه
؛*
:
:
رأيت اليوم في منامي رؤيا تخصكِ
؛*
مع كل الطُهر:
شهرزاد
؛*
7osen
ياهلا والله
الاروع تواجدك وتواصلك العطر ياحسين
شكرا جزيلا لك
:)
.
.
شهرزاد
اسم الله عليج من الآه
:*
خييير؟ اللهم اجعله خير
:))
:*
يخون و ما يعرف يكون انسان
يضيعك و يرحلك لاخر اطراف النسيان
يحرق الطيبه و يكسر باقي الاحلام
تكون اهناك بروحك
تكون انت مع جروحك
ترجاه يعطيك بقايا روحك
يمنها عليك
و يلومك
و تجرجر الجروح
تبي تحس انك مجروح
يضحك
و يسخى عليك بالموت
كلمات روعه و البوست حيل حلو :)
بس غيروا شوية المود الكل طاقها حزن اشدعوه يبه ما كو غير الحزن
:)
الكلمات روعة .. وزن صح .. وقافية جميلة ..
رباعية شاعرية جداً
لا تأمن أحد
تصدقين
آنا عايشه هالجملة هاليومين
شي يلوع الجبد
لما وين ماتتلفتين تلاقين الناس متغيره
والكل صاير يبي نهش بالكل
غير اللي ناطرينج تلتفتين عشان يلبشون طق فيج
وين ما تيي الطقه
مدري انا صايره متشاءمه
ولا انا اللي تغيرت
اففففف
شي يقث
النص رائع كالعادة
:**
من قريت اول سطر قلت ماني مكمله
شلعت قلبي سطورج
تركني في وسط غابات
غطاي الشوك والآهات
ذياب الهم تنهشني
وصوتي صرخة مذعورة
بس هذا اللي شاطرين فيه
يعشمون ويعشمون على الفاضي
ياخذون اللي يبونه ويمشون
ما همهم شنو ومنو تركوا وراهم
همهم بمصلحتهم ويا ليتها مصلحه سنعه
همهم سعادتهم ووناستهم حتى لو كانوا عايشين بمجتمع حزين
حتى لو عايشين بين ناس عينها تدمع كل ما شافتهم
ما يهزهم الا اذا انغلبوا وانكسروا واندقروا
يا عل ربي يدقر كل واحد همه نفسه وبس
ما يفكر بغيره
نبشتي الجروح
بس القوه للحين موجوده
ربي يثبتنا ويبعدنا عن أشباه البشر
هلا
بالنجمة المبدعة
:*
شنو هذا مشالله
..
خلاص احلامي ووعودي
حفرت قبورها بيدي
واااااااااااو
ولهت عليج :*
وعلى هالمكان
داركنس
دايما مبدعة
بردودج
بوجودج
باحساسج
وبكل شي
:*
.
.
الكويت حبي
الاحلى توااجدكم :)
ان شاء الله ان شاء الله :))
شكراااا
.
.
الحارث بن همام
شكرا شكرا شكراا
اسعدني التعليق جدا :)
الزين
افااا ياصديقتي ليش
هدي بالج بعد قلبي
اناا معاج بكلااامج
للأسف واقع نعايشه
لكن صدقيني
بالمقابل
في ناس تحبج اكثر من نفسها
وتخاف عليج من نسمة الهوا
خلي عنج الناس اللي همها تكدر غيرها
انتي اكبر منهاا
ومو اهما اللي يغيرونج ويهزون الثقه فيج
:*
مابي اشوفج الا متفاائله
اوكي ؟ :)
.
.
لوير
ردج يعور القلب
!!
اسم الله على قلبج حبيبتي
حال الدنياا
ومن باعناا لازم نبيعه
لو كان غالي يالوير
:*
شلالات
يابعد قلبي انتي
صدقتي والله
بس بكل الاحوال
اهما الخسرانين
خسروا قلوبنا
وخسارة القلوب ماتتعوض
:*
اسم الله عليج من الجروح يالغاليه
:)
.
.
منو ينسى
انا زعلانة علييج
:(
والله مشتاقتلج اكثرررررررر
مكانج خالي مايمليه احد
:*
Post a Comment